Hallo zaeme,

nume gschnaeu, i ha am sunnti mini erschti surflession!! jeee! i hoffe i chas de... =) eh mau luege... wird sicher luschtig.. auso, ga scho wider, ha drum de naer thaiquandoo oder so... =) ufwidergueggs

30.3.07 02:54, kommentieren

ds 1ste laebeszeiche...=)

iii weiss, i haet scho lang oepis soeue ineschribe, aber i bi ir letschti eifach nid drzue cho.. jede tag geit so schnaeu duere, und i ha irgendwie ds gfueu dasi scho monate hie ds australie bi, drbi sis oebe ersch 12 taeg... so, wi geits oeich aune so? hoffentlech guet...

auso mir geits beschtens, obwou ds waetter geschter am abe grad chli ugschlage het... aber s wird scho wider.. und i cha ja o nid z bruun heicho, suesch gseht dir au us wi chaesli.. u ds wetti ja scho nid. ha im fau vorgeschter scho e schlange gseh, sone schwarzi, und i waer fasch druftschaupet! ha no glueck gha, wueu i ha nume d flippis anne gha. aber sich nuet passiert.

am samsti si i und tanja ( kollegin vom matthil wo ar gliche schueu isch wi ig) zu zwe koreander ga znacht aesse. auso sozaege, mir hei ues saeuber iglade am erste schueutag... aber ds isch gloub e faehler gsi, wueu iz hange si ues immer a, und wei mit ues is chino oder i zoo oder ga tagestrips mache.. aber kochet hei si fein =) u iz hei mer wenigschtens  no oeper wo ues geng hei bringt, wueu ir nacht isches u ungeimlech hie. ( isch fasch e chli usgnuetz he =) ) neeenei, mir rede ja abundzue scho mit ihne... =)

aber aecht, am abe isches i de quartier wi usgstorbe.. auso im usgang und im zaentrum louft scho chli oepis, aber userhaub isches scho raecht unheimlech umezloufe...

fuer aui laedeli fans, aes het no geili laede hie, und vorauem isch iz grad summerschlussverchouf...=)  d australier foeh sech iz scho langsam afa id winterchleider waerffe, ds heisst zum teu hets froue wo bi oepe 28 grad mit stifle umeloufe... raecht crazy..

auso im winter wirds schono chueler hie, goub so um di zwaenzg grad oder so...

uund uebrigens, mir hei de iz nume no 8 stung ungerschiid, wueu mir kei summer-winterzit hei.

iz weisi nix me zum schribe, weder frage heit, eifach schribe... bis gli ( oder o nid so gli...) =) gruessli mare

26.3.07 08:24, kommentieren

hallo zämä

ds isch iz mi blog, wo ig öich  chli sache vo auschtralie wirde verzeue, und abundzue paar föteli ufelade.(weni überhoupt drzue chume )

müntschi

 

25.2.07 12:10, kommentieren